வெளிநாட்டில் தலைமறைவாகியிருந்த ஒழுங்கமைக்கப்பட்ட குற்றவாளியும் போதைப்பொருள் கடத்தல்காரனுமான கோட்டா அசங்கவின் உதவியாளர், ஏறக்குறைய ஏழு இலட்சம் ரூபா ஹெரோயின் மற்றும் உயிருள்ள தோட்டாக்களுடன் பொலிஸ் விசேட அதிரடிப்படை அதிகாரிகளால் கைதுசெய்யப்பட்டுள்ளார்.
விசேட அதிரடிப்படை கொனஹேன முகாமின் அதிகாரிகளுக்கு கிடைத்த தகவலின் பிரகாரம் சிரேஷ்ட பொலிஸ் அத்தியட்சகர் ஜே.ஆர். சேனாதீரவின் குழுவொன்று மஹேன வீதி, சியம்பலாப்பே, சபுகஸ்கந்த பொலிஸ் பிரிவில் சோதனைகளை மேற்கொண்டனர்.
தம்ம மாவத்தை, ஹெயன்துடுவ பகுதியைச் சேர்ந்த 36 வயதுடைய ஒருவரிடம் 44 கிராம் 400 மில்லிகிராம் ஹெரோயின், பல்வேறு அளவுகளில் 105 உயிருள்ள தோட்டாக்கள், கடத்தல் மூலம் கிடைத்த பணத்தில் 100,000 ரூபா, கைத்தொலைபேசி மற்றும் இலத்திரனியல் தராசு என்பன கைப்பற்றபட்டு குறித்த நபரை கைதுசெய்யப்பட்டு சபுகஸ்கந்த பொலிஸ் நிலையத்தில் ஒப்படைக்கப்பட்டுள்ளனர்.
