மட்டு அருள்மிகு ஸ்ரீ குமாரத்தன் முருகன் ஆலய வருடாந்த மகோற்சவ விஞ்ஞாபன நிகழ்வுகள் வருகின்ற சனிக்கிழமை (10.08.2024) அன்று காலை மு.ப 11.30 மணியளவில் கொடியேற்றத்துடன் ஆரம்பமாகவுள்ளது.
நாளை (09)ஆம் திகதி குமாரத்தான் ஆலய இந்து இளைஞர் மன்றத்தனரால் மாமாங்கேஸ்வரர் ஆலயத்திலிருந்து திருக் கொடிச்சீலை ஊர்வலமாக ஆலயத்திற்குள் கொண்டு செல்லப்படும்.
இதனை தொடர்ந்து 10 நாட்கள் மகோற்சவ திருவிழாக்கள் நடைபெறவுள்ளன.
எதிர்வரும் 18 ஆம் திகதி ஞாயிற்றுக் கிழமை காலை தேர் திருவிழாவும், மறுநாள் திங்கட்கிழமை (19) முற்பகல் 11 மணிக்கு மாமாங்கேஸ்வரர் ஆலய தீர்த்தக்குளத்தில் தீர்த்த திருவிழாவும் நடைபெற்று கொடியிறக்கத்துடன் மகோற்சவ திருவிழாக்கள் நிறைவுபெறும்.
உற்சவ காலங்களில் மு.ப 9.00 மணிக்கும் பி.ப 5.00 மணிக்கும் அபிஷேகத்துடன் பூஜைகள் நடைபெறும்.
உற்சவ காலங்களில் அன்னதானம் வழங்கும் நிகழ்வுகளும் இடம்பெறும் என்பது குறிப்பிடத்தக்கது.
