மட்டக்களப்பு கருவேப்பங்கேணி வனத்து அந்தோணியார் தேவாலயம் முன்பாக அமைந்துள்ள அரச திணைக்களம் ஒன்றில் பணிபுரியும் பாதுகாப்பு உத்தியோகத்தர்கள் மீது தாக்குதல் மேற்கொள்ளப்பட்டுள்ளது.
வீதி அபிவிருத்தி திணைக்கள மாகாண பணிப்பாளர் அலுவலகத்தில் பணிபுரியும் பாதுகாப்பு உத்தியோகத்தர்கள் இருவர் மீதே இந்த தாக்குதல் மேற்கொள்ளப்பட்டுள்ளது.
நேற்று (08) மாலை குறித்த இருவரும் கடமையில் இருந்த வேளை அங்கு வந்த இரு இளைஞர்கள் பாதுகாப்பு உத்தியோகத்தர்களை மண் வெட்டி பொல்லால் தாக்கியுள்ளனர். இந்த நிலையில் பாதிக்கப்பட்டவர்கள் பொலிஸாருக்கு அறிவித்ததன் அடிப்படையில் அங்கு வந்த பொலிஸார் விசாரணைகளை மேற்கொள்ளும் போது பொலிஸார் மீதும் குறித்த இளைஞர்கள் தாக்க முயன்றுள்ளதாக தெரிவிக்கப்படுகிறது.
இந்த நிலையில் அரச திணைக்களம் ஒன்றிற்குள் நுழைத்து அட்டகாசம் செய்த இரு இளைஞர்களையும் மட்டக்களப்பு தலைமையக பொலிஸார் கைது செய்துள்ளதுடன், மேலதிக விசாரணைகளையும் முன்னெடுத்துள்ளனர்.
