நுவரெலியாவிலிருந்து கொழும்பு நோக்கி அதிக வேகத்துடன் பயணித்த கார் ஒன்று ஹட்டன், கொட்டகலை பகுதியில் வைத்து கடையொன்றின் மீது மோதி விபத்துக்குள்ளாகியுள்ளதாக திம்புல பத்தனை பொலிஸார் தெரிவித்தனர்.
இந்த விபத்து நேற்று (14) புதன்கிழமை அதிகாலை இடம்பெற்றுள்ளது.
இந்த விபத்தின் போது காரின் சாரதி படுகாயமடைந்துள்ள நிலையில், கொட்டகலை பிரதேச வைத்தியசாலையில் அனுமதிக்கப்பட்டுள்ளார்.
இதன்போது, விபத்துக்குள்ளான காருக்கும் கடைக்குக்கும் சேதம் ஏற்பட்டுள்ளதாக பொலிஸார் தெரிவித்தனர்.
காரின் சாரதி உறங்கியதால் இந்த விபத்து இடம்பெற்றுள்ளதாக பொலிஸார் தெரிவித்தனர். இந்த விபத்தின் போது காரினுள் இருவர் பயணித்துள்ளதாக பொலிஸார் மேலும் தெரிவித்தனர்.
