விறகு ஏற்றிச் சென்ற லொறி, ரயிலுடன் மோதியதில் அதில் பயணித்த இருவரில் ஒருவர் உயிரிழந்துள்ளதுடன் மற்றையவர் படுகாயமடைந்த நிலையில் வைத்தியசாலையில் அனுமதிக்கப்பட்டுள்ளதாக கொஸ்கொட பொலிஸார் தெரிவிக்கின்றனர்.
இந்த சம்பவம், கொஸ்கொட இடுருவா பகுதியில் உள்ள புகையிரத கடவையில் திங்கட்கிழமை (19) பிற்பகல் இடம்பெற்றுள்ளது.
ஐம்பத்தைந்து வயதுடைய நபரொருவரே உயிரிழந்துள்ளதாகவும், அவரும் பலத்த காயமடைந்த நபரும் இடுருவா, மஹா இதுருவா பிரதேசத்தைச் சேர்ந்தவர்கள் எனவும் பொலிஸார் தெரிவிக்கின்றனர்.
கொஸ்கொடவில் இருந்து விறகு ஏற்றிச் சென்ற லொறியொன்று காலியிலிருந்து கொழும்பு நோக்கிச் சென்ற ரயிலுடன் மோதியுள்ளதாக பொலிஸார் மேலும் தெரிவிக்கின்றனர்.
ரயிலுடன் மோதிய லொறி நசுங்கியுள்ளதாக பொலிஸார் தெரிவிக்கின்றனர்.
