இந்தியாவிலிருந்து மீன்பிடி படகுகள் மூலம் சட்டவிரோதமான முறையில் இலங்கைக்குக் கொண்டு வரப்பட்ட 519 கிலோகிராம் 750 கிராம் இஞ்சியுடன் சந்தேகநபரொருவர் கைதுசெய்யப்பட்டுள்ளதாக மன்னார் பொலிஸ் விசேட அதிரடிப்படையினர் தெரிவித்துள்ளனர்.
மன்னார் இராணுவ முகாம் புலனாய்வுப் பிரிவினர் மேற்கொண்ட சுற்றிவளைப்பின் போது உழவு இயந்திரத்தில் கொண்டு செல்லப்பட்ட இஞ்சிப் பொதியுடன் சந்தேகநபர் கைதுசெய்யப்பட்டதாக பொலிஸ் விசேட அதிரடிப் படையினர் தெரிவித்தனர்.
மேலும், நாட்டின் பல்வேறு பகுதிகளில் இஞ்சியின் விலை அதிகமாக உள்ளதாலும், இஞ்சிக்கு தட்டுப்பாடு ஏற்பட்டுள்ளதாலும், இந்தியாவிலிருந்து இஞ்சியை கொண்டு வந்து அதிக விலைக்கு விற்பனை செய்ய கடத்தல்காரர்கள் முயற்சிப்பது தெரியவந்துள்ளதாகவும் அவர் கூறியுள்ளனர்.
44 வயதுடைய மன்னாரைச் சேர்ந்தவரே இவ்வாறு கைதுசெய்யப்பட்டுள்ளதாகவும் இச்சம்பவம் தொடர்பில் மேலதிக விசாரணைகளை பொலிஸார் மேற்கொண்டு வருவதாகவும் தெரிவித்துள்ளனர்.
