மட்டக்களப்பு ஸலாமா பவுண்டேஷன் ஏற்பாட்டில் 8வது இரத்த தான முகாம், மட்டக்களப்பு ஜாமியுஸ்ஸலாம் ஜும்மா பள்ளிவாயலில் இன்று நடைபெற்றது.
அமைப்பின் தலைவர் ஏ.எல்.எம்.ஹமீத் தலைமையில் நடைபெற்ற இரத்ததான நிகழ்வில், ஸலாமா பவுண்டேஷன் அமைப்பின் உறுப்பினர்கள், ஜாமியுஸ்ஸலாம் ஜும்மா பள்ளிவாயல் நிர்வாகிகள், வர்த்தகர்கள் என பலர் கலந்துகொண்டனர்
மட்டக்களப்பு போதனா வைத்தியசாலை மற்றும் காத்தான்குடி பிரதேச வைத்தியசாலை இரத்த வங்கி பிரிவு வைத்திய அதிகாரிகளினால் விடுக்கப்பட்ட வேண்டுகோளுக்கு இணங்க இரத்ததான முகாம் ஏற்பாடு செய்யப்பட்டுள்ளது.
இரத்ததான நிகழ்வில் காத்தான்குடி பிரதேச வைத்தியசாலை இரத்த வங்கி பிரிவு வைத்தியர் அலிமா, இரத்த வங்கி பிரிவு , பொதுசுகாதார பரிசோதகர் பி.எம்.எம்.பைசல், மட்டக்களப்பு போதனா வைத்தியசாலை மற்றும் காத்தான்குடி பிரதேச வைத்தியசாலை தாதிய உத்தியோகத்தர்கள், உறுப்பினர்கள் என பலரும் கலந்துகொண்டனர் .
