மட்டக்களப்பு கல்லடி, உப்போடை இராமகிருஷ்ண மிஷன் அறநெறிப் பாடசாலை வைரவிழா (60-வது ஆண்டு நிறைவு) விழா சுவாமி விபுலானந்த ஞாபகார்த்த மணி மண்டபத்தில் கடந்த சனிக்கிழமை நடை பெற்றது .
இந்தியா தஞ்சாவூர் ராமகிருஷ்ண மடத் தலைவர் ஸ்ரீமத் விமூர்த்தானந்தஜீ மகாராஜ் பிரதம விருந்தினராக கலந்து கொண்டு சிறப்பித்தார் .
அறநெறிப்படசாலை மாணவர்களின் பஜனையோடு நிகழ்வுகள் ஆரம்பமாகின.
அதனைத்தொடர்ந்து ஆரத்தி, இறைவணக்கம் என்பன இடம் பெற்றன .
ஆசியுரையை ராமகிருஷ்ண மிஷன் கொழும்பு கிளைத்தலைவர் ஸ்ரீமத் சுவாமி அக்ஷராத்மானந்தஜி மகாராஜ் வழங்கினார் .
பிரதம விருந்தினர் உரையை ஸ்ரீமத் விமூர்த்தானந்தஜீ மகாராஜ் நிகழ்த்தி இருந்தார் .
அதனைத்தொடர்ந்து மாணவர்களின் கலை நிகழ்வுகள், பரிசளிப்பு நிகழ்வுகளும் இடம் பெற்றன.
நிகழ்வுக்கு பெற்றோர்கள் , ஆசிரியர்கள் , பிரதேச வாழ் பொதுமக்கள் ஆகியோர் கலந்து கொண்டு சிறப்பித்திருந்தமை குறிப்பிடத்தக்கது.
