கண்டி, பேராதனை பொலிஸ் பிரிவுக்கு உட்பட்ட பகுதியில் குஷ் போதைப்பொருள் மற்றும் போதை மாத்திரைகளுடன் இளைஞன் ஒருவர் பொலிஸ் போதைப்பொருள் தடுப்புப் பிரிவினரால் நேற்று (25) கைது செய்யப்பட்டுள்ளார்.
பொலிஸ் போதைப்பொருள் தடுப்புப் பிரிவினருக்குக் கிடைத்த தகவலின் பேரில் மேற்கொள்ளப்பட்ட சுற்றிவளைப்பில் சந்தேக நபர் கைது செய்யப்பட்டுள்ளார்.
கண்டி, பிலிமத்தலாவை பிரதேசத்தைச் சேர்ந்த 24 வயதுடைய இளைஞன் ஒருவரே கைது செய்யப்பட்டுள்ளார்.
சந்தேக நபரிடமிருந்து 75 கிராம் குஷ் போதைப்பொருள் மற்றும் 140 போதை மாத்திரைகள் கைப்பற்றப்பட்டுள்ளன.
இது தொடர்பான மேலதிக விசாரணைகளை பொலிஸ் போதைப்பொருள் தடுப்புப் பிரிவினர் மேற்கொண்டு வருகின்றனர்.
