கெப் ரக வாகனமொன்றில் நேற்று (26) 500 கிராம் ஐஸ் போதைப்பொருட்களை ஏற்றிச் சென்ற இரு கடத்தல்காரர்கள் கொழும்பு மத்திய பிரிவு குற்றப் புலனாய்வுப் பிரிவினரால் மருதங்கடவல, ஆலங்குளம் பகுதியில் வைத்து கைதுசெய்யப்பட்டுள்ளனர்.
கிளிநொச்சி பிரதேசத்தில் வசிக்கும் 33 மற்றும் 34 வயதுடைய இரண்டு கடத்தல்காரர்களே இவ்வாறு கைதுசெய்யப்பட்டுள்ளனர்.
கொழும்பு மத்திய பிரிவு குற்றப்புலனாய்வு பிரிவின் அதிகாரிகள் குழுவிற்கு கிடைத்த இரகசிய தகவலின் அடிப்படையில் பணியகத்தின் உப பொலிஸ் பரிசோதகர் கே.பியந்த உள்ளிட்ட அதிகாரிகள் குழுவினால் அனுராதபுரம் பகுதியில் சுற்றிவளைப்பு மேற்கொள்ளப்பட்டுள்ளது.
சந்தேகநபர்கள் மற்றும் வாகனம் கொழும்பு மத்திய பிரிவு குற்றப்புலனாய்வு பிரிவின் அதிகாரிகளினால் மருதங்கடவல பொலிஸாரிடம் ஒப்படைக்கப்பட்டதுடன், சந்தேகநபர்கள் நீதிமன்றத்தில் ஆஜர்படுத்தப்படவுள்ளதாக பொலிஸார் தெரிவித்துள்ளனர்.
இச்சம்பவம் தொடர்பில் மருதன்கடவல பொலிஸார் மேலதிக விசாரணைகளை மேற்கொண்டு வருகின்றனர்.
