கடலில் மூழ்கிய இந்திய மீன்பிடிப் படகில் இருந்து காப்பாற்றப்பட்ட இரண்டு இந்திய மீனவர்களும் நேற்றுமுன்தினம் இந்தியத் தூதரக அதிகாரிகளிடம் கையளிக்கப்படவுள்ளனர்.
தமிழகத்தின் இராமேஸ்வரத்தில் இருந்து மீன்பிடிக்கப் புறப்பட்ட ரோலர் விசைப்படகில் நான்கு மீனவர்கள் பயணித்தபோது இந்திய எல்லைக்குள் கச்சதீவுக்கு அண்மையாக கடந்த திங்கட்கிழமை (26) விசைப்படகு உடைந்து கடலில் மூழ்கியுள்ளது.
அந்தப் படகில் இருந்த நான்கு மீனவர்களில் இரண்டு மீனவர்கள் கச்சதீவை அடைந்தபோது இருவரும் இலங்கைக் கடற்படையினரால் காப்பாற்றப்பட்டு யாழ். நெடுந்தீவுக்கு அழைத்து வரப்பட்டு பொலிஸாரிடம் ஒப்படைக்கப்பட்டுள்ளனர்.
குறித்த இரண்டு இந்திய மீனவர்களும் நேற்று குறிகட்டுவானுக்கு அழைத்துவரப்பட்டு இறங்குதுறையில் வைத்து யாழில் உள்ள இந்தியத் தூதரக அதிகாரிகளிடம் கையளிக்கப்படவுள்ளனர்.
