இயக்குநர் வெங்கட் பிரபுவின் இயக்கத்தில் நடிகர் விஜய் கோட் “தி கிரேட்டஸ்ட் ஆஃப் ஆல் டைம்” என்னும் திரைப்படத்தில் நடித்துள்ளார்.
இது இரசிகர்கள் மத்தியில் பெரும் எதிர்பார்ப்பை ஏற்படுத்தியுள்ளதுடன், வருகின்ற செப்டெம்பர் 05 ஆம் திகதி இது திரைக்குவரவுள்ளது.
இந்த திரைப்படத்தில் பிரசாந்த், மோகன், பிரபுதேவா, ஜெயராம், கணேஷ், யோகிபாபு, அஜ்மல் அமீர், வைபவ், பிரேம் ஜி, அரவிந்த் ஆகாஷ், அஜய் ராஜ், சினேகா, லைலா மற்றும் மீனாட்சி சவுத்ரி ஆகியோர் முக்கிய கதாபாத்திரத்தில் நடிக்கின்றனர்.
இத்திரைப்படத்திற்கு யுவன் சங்கர் ராஜா இசையமைத்துள்ளார்.
இந்த திரைப்படத்தின் படப்பிடிப்பு நிறைவு பெற்று பின்னணி வேலைகள் நடைபெற்று வருகின்றன.
இந்நிலையில் இத்திரைப்படத்திற்குக் கூடுதல் கட்டணம் வசூலிப்பதைத் தடுக்கக் கோரி, சமூக ஆர்வலர் தேவராஜன் என்பவர் சென்னை காவல் நிலையத்தில் முறைப்பாடு அளித்துள்ளார்.
மேலும், திரையரங்குகளில் அனுமதியின்றி 6 காட்சிகள் திரையிடுவதைத் தடுக்க வேண்டும் எனவும் வலியுறுத்தியுள்ளார்.
