மட்டக்களப்பு ஆயித்தியமலை புனித சதா சகாய மாதாவின் 70ஆவது வருடாந்த திருவிழா நேற்று (30) மாலை கொடியேற்றத்துடன் ஆரம்பமானது. கரடியனாறு சந்தியிலிருந்து அன்னையின் திருச்சொருப பவனி பிற்பகல் 4 மணியளவில் ஆலயத்தை வந்தடைந்து.
அருட்தந்தை ஜெரிஸ்டன் வின்சன் தலைமையில் மண்முனை மேற்கு பிரதேச செயலாளர் என்.சத்தியானந்தியின் பங்குபற்றலுடன் மாலை 5 மணியளவில் கொடியேற்றம் இடம் பெற்று, முதலாம் நவநாள் திருப்பலி ஒப்புக் கொடுக்கப்பட்டது.
எதிர்வரும் 7ம் திகதி சனிக்கிழமை காலை 5மணிக்கு மட்டக்களப்பு புனித மரியாள் பேராலயத்திலிருந்தும், செங்கலடி புனித நிக்கலஸ் ஆலயத்திலிருந்தும் பாதயாத்திரை ஆரம்பமாகி, அன்றைய தினம் அன்னையின் ஆலயத்தைச் சென்றடையும்.
எதிர்வரும் 8ம் திகதி ஞாயிற்றுக்கிழமை காலை 7மணிக்கு, திருவிழா திருப்பலி, கூட்டுத் திருப்பலியாக ஒப்புக்கொடுக்கப்பட்டு, கொடியிறக்கத்துடன் நிறைவுபெறும்.
