நுவரெலியா, நோர்வூட் பகுதியில் பாடசாலை மாணவர்கள் காணாமல் போயுள்ளதாக தகவல் வெளியாகியுள்ளது.
இவ்வாறு மாயமான மாணவர்கள் சென் ஜோன் டில்லரி தமிழ் வித்தியாலயத்தில் தரம் 10 ல் கல்வி பயிலும் மாணவர்கள் என நோர்வூட் பொலிஸ் நிலைய அதிகாரி ஒருவர் தெரிவித்தார்.
காணாமல் போன மாணவர்களில் அனூஜனின் தந்தையான ராஜ் குமார் நோர்வூட் பொலிஸ் நிலையத்தில் புகார் ஒன்றை பதிவு செய்து உள்ளார்.
மேலும் தனஞ்செயன் கஜரூபன், சுப்பிரமணியம் தனூஸ்கர், பார்த்தீபன் தியோஜன் ஆகியோருடன் அனூஜன் இன்று (04)காலை பாடசாலைகளுக்கு சென்று வீடு திரும்பாத காரணத்தால் நோர்வூட் பொலிஸ் நிலையத்தில் புகார் பதிவு செய்து உள்ளார்.
நோர்வூட் பொலிஸ் நிலைய பொறுப்பதிகாரி தலைமையில் பொலிசார் தேடுதல் பணியில் ஈடுபட்டு வருகின்றனர்.
