பூசா சிறைச்சாலையில் தடுத்து வைக்கப்பட்டுள்ள பிரபல போதைப்பொருள் கடத்தல்காரரும் பாதாள உலக கும்பலைச் சேர்ந்தவருமான “வெலே சுதா ” என அழைக்கப்படும் சமந்த குமாரவின் சிறை கூண்டிலிருந்து கையடக்கத் தொலைபேசி கைப்பற்றப்பட்டுள்ளதாக பொலிஸ் விசேட அதிரடிப்படையினர் தெரிவித்துள்ளனர்.
விசேட அதிரடிப்படை பூசா சிறைச்சாலை முகாமின் அதிகாரிகளுக்கு கிடைத்த தகவலின் பிரகாரம் மேற்கொள்ளப்பட்ட சோதனையின் போதே இந்த கையடக்கத் தொலைபேசி கண்டுபிடிக்கப்பட்டுள்ளது.
இதன்போது, பிரபல போதைப்பொருள் கடத்தல்காரரும் பாதாள உலக கும்பலைச் சேர்ந்தவருமான “வெலே சுதா” வின் சிறை கூண்டில் மிகவும் சூட்சுமமான முறையில் மறைத்து வைக்கப்பட்டிருந்த சிம் அட்டையுடன் கூடிய கையடக்கத் தொலைபேசி ஒன்று கைப்பற்றப்பட்டுள்ளது.
கைப்பற்றப்பட்ட கையடக்கத் தொலைபேசி மேலதிக விசாரணைகளுக்காக சிறைச்சாலை அதிகாரிகளிடம் ஒப்படைக்கப்பட்டுள்ளது.
