மட்டக்களப்பு நகர் பகுதியில் ஜனாதிபதி தேர்தலில் போட்டியிடும் தேசிய மக்கள் சக்தி சஜித் பிரேமதாசவின் சுவரொட்டிகளை இரவில் ஒட்டிக் கொண்டிருந்த சம்பவத்தில் கைது செய்யப்பட்ட இரு ஆதரவாளர்களையும் இன்று சனிக்கிழமை (14) மட்டக்களப்பு நீதவான் நீதிமன்ற நீதவான் பிணையில் விடுவித்துள்ளார்.
மட்டு தலைமையக பொலிசார் பிரதேசத்தில் சம்பவதினமான நேற்று வெள்ளிக்கிழமை (13) நள்ளிரவு வீதி ரோந்து நடவடிக்கையில் ஈடுபட்டுக் கொண்டிருந்தபோது மாமாங்கம் பகுதியில் வீதியிலுள்ள மின்சார தூண்கள் மற்றும் சுவர்களில் ஜனாதிபதி வேட்பாளர் சஜித் பிரோமதாசவை ஆதரித்து தேர்தல் சட்டத்தை மீறி சுவரொட்டிகளை ஒட்டிக் கொண்டிருந்த இருவரை கைது செய்ததுடன் சுவரொட்டிகளையும் மீட்டனர்.
இதில் கைது செய்யப்பட்ட இருவருக்கும் எதிராக வழக்கு தாக்கல் செய்து இன்று மட்டக்களப்பு நீதவான் நீதிமன்றில் ஆஜர்படுத்தயபோது இருவரையும் நீதவான் சரீரப்பிணையில் விடுவித்தார்.
