பொலிஸார் மற்றும் படையினரின் சீருடைகளை வைத்திருந்த ஒருவர் கைது!

மாத்தறை – தெவிநுவர பகுதியில் பொலிஸார் மற்றும் விசேட அதிரடிப்படையினரின் சீருடைகளை வைத்திருந்த சந்தேக நபர் கைது செய்யப்பட்டுள்ளார்.

இச்சம்பவத்தில் கபுகம மாவட்டம், ஹெனகெதர பிரதேசத்தைச் சேர்ந்த 25 வயதுடைய நபரே இவ்வாறு கைது செய்யப்பட்டுள்ளார்.

குறித்த சந்தேக நபர் பொலிஸ் விசேட அதிரடிப்படை மற்றும் பொலிஸாருக்கு சொந்தமான சீருடைகளை சட்ட அனுமதியின்றி வைத்திருந்தாக தென் மாகாண விசேட அதிரடிப் பிரிவு அதிகாரிகளுக்கு கிடைத்த தகவலுக்கு அமைய இந்த சுற்றிவளைப்பு மேற்கொள்ளப்பட்டுள்ளது.

கைது செய்யப்பட்ட சந்தேக நபர் எந்தவொரு குற்றத்தையும் செய்யத் தயாராக இருந்ததாக விசேட அதிரடிப்படையினர் சந்தேகிக்கின்றனர்.