தேர்தல் சட்டங்களை மீறிய வகையில் தனது புகைப்படத்தினையும், வேறு ஒரு ஜனாதிபதி வேட்பாளரின் புகைப்படத்தினையும் இணைத்து செய்திகள் வெளியிடப்பட்டமை தொடர்பில் ஜனாதிபதி வேட்பாளர் திலகராஜ் இன்று (18) மட்டக்களப்பு மாவட்ட செயலகத்தில் உள்ள தேர்தல் முறைப்பாடு பிரிவுக்கு முறைப்பாடு செய்வதற்கு வருகை தந்தார்.
மலையகத்தினை தளமாக கொண்டு இயங்கும் இணையத்தளம் ஒன்றில் குறித்த செய்தி வெளியிடப்பட்டமை தொடர்பில் மட்டக்களப்பு மாவட்ட செயலகத்திற்கு முறைப்பாடு செய்வதற்கு வருகை தந்தார்.
எனினும் குறித்த முறைப்பாட்டை மட்டக்களப்பு மாவட்ட செயலகத்தில் உள்ள தேர்தல் முறைப்பாடு பிரிவு பொறுப்பெடுக்கவில்லையென ஜனாதிபதி வேட்பாளர் இதன்போது தெரிவித்தார்.
இந்த நாட்டில் மலையக மக்களின் உரிமையினை வெளிப்படுத்தும் வகையில் தனக்கு வாக்களிக்குமாறும் இதன்போது கோரிக்கை விடுத்தார்.
