மட்டக்களப்பு மேற்கு கல்வி வலயத்தின் வலய மட்ட சிறுவர் மெய்வல்லுனர் விளையாட்டு விழா நேற்றுமுன்தினம் (27) தாண்டியடி சிறிமுருகன் விளையாட்டு மைதானத்தின் வலயக்கல்விப் பணிப்பாளர் வை. ஜெயச்சந்திரன் அவர்களின் தலைமையில் இடம்பெற்றது.
இவ் விளையாட்டு விழாவில் வலயத்திற்குட்பட்ட பாடசாலைகளிலிருந்து மூன்று பிரிவுகளின் கீழ் 54 அணிகள் பங்கு கொண்டிருந்ததுடன் விளையாட்டில் திறமைகளை வெளிக்காட்டி வெற்றி பெற்ற பாடசாலை மாணவ அணிகளுக்கு வெற்றிக்கிண்ணங்களும் சான்றிதழ்களும் வழங்கிவைக்கப்பட்டது.
இவ் விளையாட்டு நிகழ்வில் வலயத்தின் கல்வி நிலை அதிகாரிகள் மற்றும் ஆசிரிய ஆலோசகர்கள் அதிபர்கள் ஆசிரியர்கள் மாணவர்கள் பெற்றோர்கள் என பலரும் கலந்து கொண்டனர்.
