மட்டக்களப்பு இருதயபுரத்திலுள்ள திரு இருதயநாதர் ஆலயத்தில் சிறுவர் தின நிகழ்வு கொண்டாட்டம் நேற்று(06) ஞாயிற்றுக் கிழமை இடம்பெற்றது.
இவ் நிகழ்வானது மறையாசிரியர் ஒன்றியம், மறைக்கல்வி மாணவர்களின் பெற்றோர் சங்கம் மற்றும் பங்குத்தந்தையின் தலைமையில் இடம்பெற்றது.
நிகழ்வில் சிறுவர்களுக்கான விளையாட்டு போட்டிகள் இடம்பெற்று வெற்றி பெற்றவர்களுக்கான வெற்றிக்கிண்ணங்களும், பரிசில்களும் வழங்கப்பட்டது. அதனை தொடர்ந்து மாணவர்களின் நடனம், நாடகம், பாடல் நிகழ்வுகள், கவிதை சொல்லல் என்பன நடைபெற்றது.
இவ் நிகழ்வுடன் இணைத்து ஆசிரியர் தினத்தை கொண்டாடும் முகமாக பங்கில் பணியாற்றும் மறையாசிரியர்களை கௌரவித்து நினைவுச்சின்னங்களும் வழங்கப்பட்டன.
அதேசமயம் பங்குத்தந்தை அன்டனி ஜெயராஜ் ,மறைக்கல்வி நிலைய பொறுப்பாளர் அருட்தந்தை ஜெரிஸ்டென் வின்சன்ட், அருட்தந்தை பிறைனர் செலர், அருட்தந்தை ரொஷான், மறையாசிரியர்கள், மாணவர்கள் ,பங்கு பொதுமக்கள், சமூக ஆர்வலர்கள் என பலர் இவ்நிகழ்வில் கலந்து கொண்டமை குறிப்பிடத்தக்கது.
