அநுர வடகிழக்கில் முழு வீச்சு பிரச்சாரத்தை முன்னெடுக்க உள்ளதாக தகவல் வெளியாகியுள்ளது.
யாழ் கிளிநொச்சி தேர்தல் தொகுதியில் 2 ஆசனங்களையும், திருகோணமலையில் ஏற்கனவே நிச்சயிக்கப்பட்ட ஒரு ஆசனத்தோடு மேலுமொரு ஆசனத்தையும், திகாமடுல்லவில் மூன்று ஆசனங்களையும் வெல்ல வைப்பதை நோக்கமாகக் கொண்டு, தேசிய மக்கள் சக்தி பாரிய பிரச்சார பணிகளை முன்னெடுக்க உள்ளது.
மட்டக்களப்பு , வன்னியில் வாய்ப்பு இல்லை என்பது உறுதி ஆகியுள்ளதனால், யாழ்ப்பாணத்தில் அநுர கலந்துகொள்ளும் மிகப்பெரிய கூட்டத்தை நடத்தி மீண்டுமொரு அநுர அலையை பரவ விட தேசிய மக்கள் சக்தி திட்டமிடுவதாக வட்டார தகவல்கள் தெரிவிக்கின்றன.
அப்படி நடந்தால் சைக்கிள் கட்சியும் , வீடும் ஒரு ஆசனத்திற்கு மேல் பெற முடியாத நிலை ஏற்படலாம் என அரசியல் ஆர்வலர்கள் கருத்து தெரிவிக்கின்றனர்.
