குவைத்தில் சட்டவிரோதமாக தங்கியிருந்த 46 இலங்கையர்கள் இன்று நாடு திரும்பியுள்ளனர்.
வீட்டு வேலைக்காக குவைத் சென்று அங்கு நுழைவு விசா இன்றி சட்டவிரோதமாக தங்கியிருந்த நிலையிலேயே, குறித்த தரப்பினர் சிறிலங்கா தூதரகத்தினால் மீண்டும் இலங்கைக்கு திருப்பி அனுப்பப்பட்டுள்ளனர்.
குவைத்தில் உள்ள சிறிலங்கா தூதரகத்தில் பதிவு செய்த 46 இலங்கையர்கள் இன்று நாடு கடத்தப்பட்டுள்ளனர்.
இவர்களுள் 39 பேர் வீட்டுப் பணிப்பெண்கள் எனவும் ஏனைய 7 ஆண்கள் வேறு தொழில்களில் ஈடுபட்டவர்கள் எனவும் தெரிவிக்கப்பட்டுள்ளது.
இதேவேளை, இலங்கைக்கு மீண்டும் செல்வதற்காக குவைத்தில் உள்ள சிறிலங்கா தூதரகத்தில் 2 ஆயிரத்துக்கும் அதிகமான வீட்டுப் பணிப்பெண்கள் தங்களை பதிவு செய்துள்ளதாக குவைத்தில் உள்ள இலங்கைத் தூதுவர் காண்டீபன் பாலசுப்பிரமணியம் தெரிவித்துள்ளமை குறிப்பிடத்தக்கது.
