மத்திய கிழக்கு பிராந்தியத்தில் நிலவும் பதற்றம் நாளுக்கு நாள் அதிகரித்து வரும் நிலையில், ஈரானின்கதம் அல்-அன்பியா மத்திய கட்டளைத் தலைமையகம் வெளியிட்டுள்ள சமீபத்திய அறிவிப்பு சர்வதேச அரசியல் வட்டாரங்களில் கவனத்தை ஈர்த்துள்ளது.
அந்த தலைமையகத்தின் செய்தித் தொடர்பாளர் வெளியிட்ட அறிக்கையில், அமெரிக்கா மற்றும் இஸ்ரேல் ஆகிய நாடுகளின் இலக்குகளை நோக்கி ஈரான் மேற்கொண்டு வரும் ஏவுகணை மற்றும் ட்ரோன் தாக்குதல்கள் எதிர்வரும் நாட்களில் மேலும் விரிவுபடுத்தப்படலாம் என எச்சரிக்கப்பட்டுள்ளது.
ஈரானின் இராணுவ நடவடிக்கைகளின் ஒரு பகுதியாக “Operation True Promise 4” என்ற பெயரில் நடத்தப்பட்ட தாக்குதல்களில், இஸ்ரேல் மற்றும் வளைகுடா பிராந்தியத்தில் உள்ள அமெரிக்க இராணுவத் தளங்களை குறிவைத்து பல்வேறு ஏவுகணை மற்றும் மனிதர் இல்லா வான்வழி தாக்குதல்கள் மேற்கொள்ளப்பட்டதாக ஈரான் தரப்பு கூறியுள்ளது.
இந்த நடவடிக்கைகள் பிராந்தியத்தில் ஏற்கனவே நிலவி வரும் இராணுவ பதற்றத்தை மேலும் தீவிரப்படுத்தும் வாய்ப்பு இருப்பதாக சர்வதேச பாதுகாப்பு ஆய்வாளர்கள் எச்சரிக்கின்றனர். அதேவேளை, அமெரிக்கா மற்றும் இஸ்ரேல் ஆகிய நாடுகள் ஈரானின் குற்றச்சாட்டுகள் மற்றும் தாக்குதல் விவரங்கள் குறித்து தனித்தனி மதிப்பீடுகளை மேற்கொண்டு வருவதாகவும் தகவல்கள் தெரிவிக்கின்றன.
மத்திய கிழக்கு பகுதியில் உருவாகி வரும் இந்த பதற்றமான நிலைமை, எதிர்வரும் நாட்களில் பிராந்திய பாதுகாப்பு மற்றும் உலக அரசியல் சூழ்நிலைகளில் முக்கிய தாக்கத்தை ஏற்படுத்தக்கூடும் எனக் கருதப்படுகிறது.
