ரத்கம பொலிஸ் பிரிவுக்கு உட்பட்ட விஜயரத்ன மாவத்தை ரயில் கடவையில் மோட்டார் சைக்கிளில் பயணித்த கடற்படை சிப்பாய் ஒருவர் ரயிலால் மோதப்பட்டு உயிரிழந்துள்ளதாக ரத்கம பொலிஸார் தெரிவித்தனர்.
உயிரிழந்தவர் பத்தேகம பிரதேசத்தில் வசிப்பவர் எனவும் கடற்படை முகாமொன்றில் கடமையாற்றுபவர் எனவும் தெரியவந்துள்ளது.
மருதானையில் இருந்து பெலியத்தை நோக்கி பயணித்த ரயில் மோதியே இந்த விபத்து இடம்பெற்றுள்ளது .
இவர் தனது கடமையை முடித்துவிட்டு மோட்டார் சைக்கிளில் வீட்டுக்குச் செல்லும்போதே ரயில் மோதி உயிரிழந்துள்ளார்.
இது தொடர்பான மேலதிக விசாரணைகளை ரத்கம பொலிஸார் மேற்கொண்டு வருகின்றனர்.
