விழா மண்டபத்துக்குள் நுழைந்து கைபேசிகளை திருடிய இராணுவ கோப்ரல்கள் இருவர் கைது செய்யப்பட்டுள்ளனர்.இரத்தினபுரி – பனாகொடை இராணுவ முகாமில் பணியாற்றியவர்களே இவ்வாறு கைது செய்யப்பட்டுள்ளனர்.அத்துருகிரிய பகுதியில் உள்ள விழா மண்டபம் ஒன்றின் அறைக்குள் நுழைந்து அங்கிருந்த மூன்று கைபேசிகளை திருடிச் சென்றிருந்த நிலையில் இவர்கள் கைது செய்யப்பட்டனர்.
சந்தேக நபர்கள் இருவரும் மது அருந்துவதற்காக விழா மண்டபத்துக்குச் சென்றபோது, அருகில் உள்ள அறையில் யுவதி யும் இளைஞரும் உறங்கிக் கொண்டிருந்தனர் என்றும் அந்தச் சமயம் நுழைந்த கோப்ரல்களில் ஒருவர் கைபேசிகளை திருடியுள்ளார். அவருக்கு மற்றவர் துணையாக இருந்துள்ளார் என்று அறிய வருகின்றது.
சிலாபம் பகுதியைச் சேர்ந்த 37 வயதுடைய கோப்ரல் ஒருவரும், செவனகல மயூரகம பகுதியைச் சேர்ந்த 38 வயதுடைய கோப்ரல் ஒருவருமே இவ்வாறு கைது செய்யப்பட்டுள்ளனர்.
