2025 ஆம் ஆண்டு வார நாட்களில் கணிசமான எண்ணிக்கையிலான அரசாங்க விடுமுறை நாட்கள் வருவதால், வருடாந்த பாடசாலை வருகை நாட்களின் எண்ணிக்கை 181 ஆக குறைந்துள்ளதாக கல்வி அமைச்சின் செயலாளர் நாலக களுவெவ நேற்று (29) தெரிவித்தார்.
முந்தைய ஆண்டில், பாடசாலைக்கு வருகை தரும் நாட்களின் எண்ணிக்கை 210 ஆக இருந்ததாகவும், வெவ்வேறு ஆண்டுகளில் இந்த எண்ணிக்கையில் சிறிய வேறுபாடுகள் இருக்கலாம் என்றும் அவர் குறிப்பிட்டார்.
2025 ஆம் ஆண்டிற்கான 26 அரசு விடுமுறை நாட்களில், நான்கு வார இறுதி நாட்களில் வருவதாகவும், மீதமுள்ளவை வார நாட்களில் வருகிறது எனவும் அவர் சுட்டிக்காட்டினார்.
அதன்படி, 2024 ஆம் ஆண்டுக்கான மூன்றாம் தவணையை நிறைவு செய்யும் வகையில் ஜனவரி 2 ஆம் திகதி முதல் 24 ஆம் திகதி வரை முதல் மூன்று வாரங்களுக்கு பாடசாலைகள் நடைபெறும் எனவும் தெரிவித்தார்.
சாதாரண தரப் பரீட்சை அடுத்த வருடம் மார்ச் மாதம் முதல் தவணையின் மத்தியில் இடம்பெறும் எனவும் தெரிவித்த களுவெவவின் கூற்றுப்படி, 2025 ஆம் ஆண்டிற்கான முதல் தவணை ஜனவரி 27 ஆம் திகதி ஆரம்பமாகவுள்ளது.
