நாடாளுமன்ற உறுப்பினர் செல்வம் அடைக்கலநாதனை கைது செய்து நீதிமன்றத்தில் முன்னிலைப்படுத்துமாறு உத்தரவு பிறப்பிக்கப்பட்டுள்ளது.
அநுராதபுரம் மேல் நீதிமன்ற நீதிபதி லக்மாலி ஹேவாவசம் இந்த உத்தரவினை பிறப்பித்துள்ளார்.
வழக்கொன்றின் தவணைக்கு முன்னிலையாகாத காரணத்தினால் இவ்வாறு அவரை கைது செய்து நீதிமன்றில் முற்படுத்துமாறு உத்தரவு பிறப்பிக்கப்பட்டுள்ளது.
கடந்த, உள்நாட்டு போர் நடைபெற்ற போது இலங்கை பற்றிய தகவல்களை அதிகாரபூர்வமற்ற இந்திய ஊடகம் ஒன்றிற்கு சட்டவிரோதமாக வெளியிட்டது தொடர்பாக செல்வம் அடைக்கலநாதன் எம்.பிக்கு எதிராக அநுராதபுரம் மேல் நீதிமன்றத்தில் வழக்கொன்று நிலுவையில் இருந்துள்ளது.
இந்தநிலையில், குறித்த வழக்குத் தவணைக்கு அவர் முன்னிலையாகத் தவறியுள்ளார்.
இதனையடுத்து, வழக்குத் தவணைக்கு தான் முன்னிலையாகாத காரணத்தினையும், அடுத்த வழக்குத் தவணைக்கு தான் முன்னிலையாவதாகவும் தனது வழக்கறிஞர் ஊடாக செல்வம் எம்.பி மன்றுக்கு அறிவித்திருந்தார்.
எவ்வாறாயினும், மேற்குறித்த காரணங்களை ஏற்றுக்கொள்ளாத நீதிபதி செல்வம் அடைக்கலநாதனை கைது செய்து நீதிமன்றத்தில் முன்னிலைப்படுத்துமாறு உத்தரவிட்டுள்ளமை குறிப்பிடத்தக்கது.
