இன்று (02) காலை மட்டக்களப்பு கிரான்குளம் பகுதியில் வேகக்கட்டுப்பாட்டை இழந்து கார் ஒன்று விபத்துக்குள்ளளாகியிருந்த நிலையில், மோட்டார் சைக்கிளில் வந்த இளைஞர்கள் இருவர் துரதிஷ்ட வசமாக அவ் இடத்திலே விபத்துக்குள்ளாகியுள்ளனர்.
காலையில் விபத்து இடம்பெற்ற இடத்தில் மின்சார தூண் ஒன்று உடைந்த நிலையில் அவ்விடத்தில் சீரமைப்பு பணிகள் இடம்பெற்றுக்கொண்டிருந்த நிலையில், மட்டக்களப்பு பகுதியிலிருந்து மோட்டார் சைக்கிளில் வந்த இளைஞர்கள் இருவர் துரதிஷ்ட வசமாக அவ் இடத்திலே விபத்தில் சிக்கிக்கொண்டனர்.
இவ் விபத்தில் ஒருவர் சம்பவ இடத்தில் பலியானதுடன், மற்றுமொரு இளைஞர் காயமடைந்துள்ளார்.
அதேசமயம் உயிரிழந்த இளைஞன் அம்பாறை மத்தியமுகாம் பகுதியை சேர்ந்தவர் என தெரிவிக்கப்படுகிறது.
விபத்து தொடர்பான மேலதிக விசாரணைகளை காத்தான்குடி பொலிஸார் முன்னெடுத்துவருகின்றனர்.
