நாட்டுக்கு விஜயம் செய்யும் அரச தலைவர்கள். சிறப்பு விருந்தினர்கள் அல்லது முக்கியஸ்தர்களுடன் ஜனாதிபதி பணிக்குழாமை சேர்ந்தவர்கள் எவரும் தனியான புகைப்படங்களையோ செல்ஃபி புகைப்படங்களையோ எடுக்கக் கூடாது என தடைவிதித்து ஜனாதிபதி செயலகம் அறிவுறுத்தலை வெளியிட்டுள்ளது.
இது குறித்து ஜனாதிபதி செயலகத்தில் பணிபுரியும் சகல அதிகாரிகளுக்கும் அறிவிக்கப்பட்டுள்ளது. ஜனாதிபதியின் ஊடகப் பிரிவின் மூலம் வெளியிடப்படும் புகைப்படங்களை தவிர வேறு எந்த
புகைப்படங்களையும் சமூக வலைத்தளங்கள் அல்லது, ஊடகங்களில் வெளியிடத் தடைவிதிக்கப்பட்டுள்ளது. இலங்கைக்கு கடந்த மாதம் 28ஆம் திகதி விஜயம் செய்த பிரான்ஸ் ஜனாதிபதி இம்மானுவேல் மெக்ரனுடன் சில அதிகாரிகள் தனிப்பட்ட ரீதியில் எடுத்துக்கொண்ட புகைப்படங்கள் சமூக வலைத்தளங்களில் வெளியிடப்பட்டதையடுத்தே இந்தத் தீர்மானம் எடுக்கப்பட்டுள்ளது.
சமூக வலைத்தளங்களில் வெளியிட்ட பின்னர் இந்த புகைப்படங்களுக்கு கிடைத்துள்ள பதில்களை கவனத்தில்கொண்டு இந்த தீர்மானம் எடுக்கப்பட்டுள்ளதாக ஜனாதிபதி செயலகத்தின் தகவல்கள் தெரிவித்தன
