இந்திய கிரிக்கெட் அணியின் முன்னாள் தலைவர் ‘மாஸ்டர் பிளாஸ்டர்’ சச்சின் டெண்டுல்கர் யுனிசெப் அமைப்பின் ஏற்பாட்டில் இலங்கைக்கு வருகை தந்துள்ளார்.
சப்ரகமுவ மாகாணத்தில் குறைந்த வசதியுடைய பாடசாலைகளைச் சேர்ந்த மாணவர்களின் விளையாட்டுத் திறமைகளை மேம்படுத்தும் நோக்கில் இவரது விஜயம் அமைந்திருந்தது.
கேகாலை மாவட்டத்தின் தெஹியோவிட்ட கல்வி வலயத்திலுள்ள, பல்லேகணுகல கனிஷ்ட வித்தியாலயத்தில் பயிற்சி நிகழ்வு (07) திங்கட்கிழமை நடைபெற்றது. சப்ரகமுவ மாகாண ஆளுநர் நவீன் திசாநாயக்க தலைமையில் நடைபெற்ற இந்நிகழ்வில், பாடசாலை மாணவர்களுக்கான கிரிக்கெட் பயிற்சிகளை சச்சின் டெண்டுல்கர் வழங்கினார்.
இதன்போது,பாடசாலை மாணவர்களுக்கு கிரிக்கெட் உபகரணங்களையும் அவர் வழங்கினார். யுனிசெப் அமைப்பின் தெற்காசியாவுக்கான நல்லெண்ணத் தூதுவராக 2013 ஆம் ஆண்டு சச்சின் டெண்டுல்கர் நியமிக்கப்பட்டமை குறிப்பிடத்தக்கது. சச்சின் டெண்டுல்கர் 200 டெஸ்ட் போட்டிகளில் 51 சதங்கள் உட்பட 15,921 ஓட்டங்களைக் குவித்தவர்.
463 ஒருநாள் சர்வதேச போட்டிகளில் 49 சதங்கள் உட்பட 18,426 ஓட்டங்களையும் குவித்திருந்தார். ‘மாஸ்டர் பிளாஸ்டர்’ என்ற பட்டமும் ரசிர்களால் இருக்கு வழங்கப்பட்டமை குறிப்பிடத்தக்கது.
