மட்டக்களப்பு பல்கலைக்கழக மாணவன் நீச்சல் தடாகத்தில் மூழ்கி உயிரிழப்பு!

இலங்கை ரஜரட்ட பல்கலைக்கழகத்தின் முகாமைத்துவ பீட(வர்த்தகம்) மாணவன் ஒருவர் பல்கலைக்கழக நீச்சல் தடாகத்தில் மூழ்கி உயிரிழந்தார்.

மட்டக்களப்பு, கொக்குவில் பகுதியைச் சேர்ந்த முருகதாஸ் திலக்ஷன் என்னும் 21 வயதுடைய மாணவனே இவ்வாறு உயிரிழந்தவர் என மிஹிந்தலை பொலிஸார் தெரிவித்தனர்.

குறித்த மாணவன் மேலும் ஐந்து நண்பர்களுடன் நேற்றைய தினம் நீராடிய வேளையில் இந்த அனர்த்தம் நிகழ்ந்துள்ளது.

சம்பவம் தொடர்பில் மிஹிந்தலை பொலிஸார் மேலதிக விசாரணைகளை மேற்கொண்டு வருகின்றனர்.