பிள்ளையானையும் , ராஜபக்ஸர்களையும் உடனடியாக கைது செய்யவேண்டும் என தமிழ்த் தேசிய மக்கள் முன்னணியின் பாராளுமன்ற உறுப்பினா் செல்வராசா கஜேந்திரன் இன்று பாராளுமன்றத்தில் தெரிவித்தார்.
இன்று சர்வதேச ஊடகம் வெளியிட்டிருந்த இலங்கை உயிர்த்த ஞாயிறு தாக்குதல் தொடர்பான சூத்திரதாரிகள் தொடர்பான ஆவண படத்தில் மட்டக்களப்பு மாவட்ட ஒருங்கிணைப்பு குழுவின் தலைவரும் கிராமிய வீதி அபிவிருத்தி இராஜாங்க அமைச்சருமான சிவனேசதுரை சந்திரகாந்தன் (பிள்ளையான்) தொடர்பில் வெளிவந்த ஆதாரங்கள் மற்றும் குற்றச்சாட்டுகள் தொடர்பிலேயே இவ்வாறு தெரிவித்திருந்தார்.
அதேசமயம் திருகோணமலை மாவட்டத்தில் பெரிய குளம் சந்தியில் மீண்டும் ஒரு புதிய விகாரையின் நிர்மாணப்பணிகள் சட்டவிரோதமாக மேற்கொள்ளப்பட்டு வருவதாகவும் குற்றம் சுமத்தியுள்ளார்.
