அண்மையில் உள்நாட்டு ஊடகம் ஒன்று மட்டக்களப்பு மாவட்ட அபிவிருத்தி குழுத்தலைவர் சிவநேசதுரை சந்திரகாந்தனுடன் zoom வாயிலாக நேர்காணல் ஒன்றினை நடத்தியிருந்தது.
அதில் ஊடகவியலாளர் வடக்கில் எத்தனையோ ஏழைகள் இருக்க, பலருக்கு வீடுகளே இல்லாமல் இருக்க; பிள்ளையானுக்கு பல நூற்றுக்கணக்கான ஏக்கர் காணி இருப்பதாக சொல்லப்படுகின்றது. இது உண்மைதானா? என கேள்வி எழுப்பினார்
அதற்கு பிள்ளையான் இவ்வாறு பதிலளித்திருந்தார். பாசிக்குடா பகுதியினையொட்டியிருக்கும் தொன்னந்தோப்பு பூராகவும் என்னுடைய அப்பாவினுடைய அப்பாவினுடைய அப்பாவினுடைய அப்பாவின் காணி அது. வாழைச்சேனையில் இப்போது குடியேறியவர்களை தவிர்த்து அங்கு பிறந்து வளர்ந்த யாரிடம் கேட்டாலும் அது என்னுடைய பரம்பரை காணி என்றே சொல்லுவார்கள். இது குறித்த சட்ட ரீதியான ஆவணங்கள் என்னிடமுள்ளன என்றார்.
