தெருநாய்களின் விபரங்களைச் சேகரித்து முறையாகப் பராமரிக்கும் நோக்கில், ஹோமாகம பிரதேச சபையினால் அவற்றுக்கு மைக்ரோ சிப் பொருத்தும் திட்டம் ஆரம்பிக்கப்பட்டுள்ளது.
இதன் மூலம் நாய்களின் தடுப்பூசி விபரங்கள், சுகாதார நிலை மற்றும் அவை காணப்படும் இடம் உள்ளிட்ட தகவல்களை அதிகாரிகள் அறிந்துகொள்ள முடியும். குறிப்பாக, நாய் கடிக்கும் சம்பவங்கள் இடம்பெறும்போது குறித்த நாயின் விபரங்களைக் கண்டறிய இத்திட்டம் உதவும்.
இதேவேளை, சுற்றுலாப் பயணிகள் அதிகம் வருகை தரும் காலி உள்ளிட்ட பல பகுதிகளில் தெருநாய்களின் நடமாட்டம் பிரச்சினையாக உருவெடுத்துள்ள நிலையில், அவற்றின் துல்லியமான தரவுகளைச் சேகரிப்பதில் சவால்கள் காணப்படுகின்றன.
மேலும், ரேபிஸ் நோயை ஒழிக்கும் நோக்கில் நாய்களுக்குத் தடுப்பூசி செலுத்தி அவற்றைப் பதிவு செய்யும் வேலைத்திட்டம் அண்மையில் ஹட்டன் – டிக்கோயா நகர சபை மண்டபத்திலும் முன்னெடுக்கப்பட்டிருந்தது.
