உபகரணங்கள் கொடுத்து மாணவர்களை பாலியல் வன்கொடுமை செய்தவர் கைது!

பாடசாலை மாணவர்கள் குறித்த வீட்டிற்கு செல்வதாக கிடைத்த தகவலின் பேரில் ஞாயிற்றுக்கிழமை (17) பொலிஸார்
மேற்கொண்ட சுற்றிவளைப்பில் பாடசாலை மாணவர்கள் மூவரும் வீட்டின் உரிமையாளரும் கைது செய்யப்பட்டுள்ளனர்.

மொனராகலை கோனகனார பொலிஸ் பிரிவிற்கு உட்பட்ட வகுருவெல பகுதியிலுள்ள வீடொன்றிலேயே இந்தச் சுற்றிவளைப்பு தேடுதல் மேற்கொள்ளப்பட்டது. பாடசாலை மாணவர்களிடம் நடத்தப்பட்ட விசாரணையின் பொது வீட்டின் உரிமையாளர், பாடசாலை உபகரணங்கள் மற்றும் இசைக்கருவிகளை கொடுத்து பாலியல் வன்கொடுமைக்கு உள்ளாக்கியதாக தெரிவித்துள்ளனர்.

சந்தேக நபர் சில காலமாக பல பாடசாலை மாணவர்களை பாலியல் வன்கொடுமை செய்து வந்துள்ளதாக
ஆரம்பகட்ட விசாரணைகளில் இருந்து தெரியவந்துள்ளது. பாடசாலை மாணவர்கள் மூவரும் மருத்துவப் பரிசோதனைகளுக்காக மொனராகலை மாவட்ட போது வைத்தியசாலையில் அனுமதிக்கப்பட்டதுடன், 49 வயதுடைய சந்தேக நபரை வெல்லவாய நீதவான் நீதிமன்றில் ஆஜர்படுத்துவதற்கான ஏற்பாடுகள் மேற்கொள்ளப்பட்டுள்ளன என பொலிஸார் தெரிவித்தனர்.