காதலியுடன் ஏற்பட்ட முரண்பாடு காரணமாக பல்கலைக்கழக மாணவரொருவர் காதலியின் நிர்வாண படங்களை, காதலியின் குடும்பத்தினருக்கு அனுப்பிவைத்துள்ள குறற்ச்சாட்டில் கைது செய்யப்பட்டுள்ளார்.
சம்பவம் தொடர்பில் பொலிஸ் நிலையத்தில் செய்யப்பட்ட முறைப்பாட்டுக்கு அமைய பொலிஸாரினால் குறித்த இளைஞன் கைது செய்யப்பட்டுள்ளார்.
இவ்வாறு கைது செய்யப்பட்ட சந்தேகநபரான மாணவன் எம்பிலிப்பிட்டிய பிரதேசத்தை சேர்ந்த 24 வயதுடையவர் எனவும், காதலி நிக்கரவெட்டிய பிரதேசத்தைச் சேர்ந்தவர் எனவும் விசாரணையில் தெரியவந்துள்ளது.
காதலியின் குடும்பத்தினருக்கு வாட்ஸ்அப் ஊடாகவே, காதலியின் நிர்வாணப்படங்களை காதலன் அனுப்பிவைத்துள்ளார். இருவேறு பல்கலைக்கழகங்களை சேர்ந்த இருவர் காதலித்து வந்த நிலையில், காதலன் தனக்கு பொருத்தமானவர் அல்ல என காதலி பேசுவதற்கு மறுத்துள்ளார்.
இதனை தொடர்ந்து மாணவன் தன்னுடன் மீண்டும் காதல் உறவில் ஈடுபடுமாறு பல்கலைக்கழக மாணவியிடம் கோரிக்கை விடுத்துள்ளதாகவும், மாணவி அவரின் கோரிக்கையை நிராகரித்துள்ளதாகவும் பொலிஸார் தெரிவித்துள்ளனர்.
இந்நிலையில், பல்கலைக்கழக மாணவியை காதலன் பழிவாங்கும் நோக்கில் நிர்வாண காட்சிகளை காணொளியாக வாட்ஸ்அப் மூலம் சகோதரர் சகோதரிகளின் கைபேசிக்கு அனுப்பியுள்ளதாகவும் பொலிஸ் விசாரணையில் தெரியவந்துள்ளது.
