மலையக பகுதிகளில் உள்ள தேயிலைச் செடிகளில் புது வகையான விஷப் பூச்சி தோன்றியுள்ளது என தொழிலாளர்கள் தெரிவிக்கின்றனர். குறிப்பாக நல்லத்தண்ணி, லக்ஷபான, வாழமலை பிரிவில் இவ்வாறான விஷப் பூச்சி உள்ளதென அத்தோட்டத்தொழிலாளர்கள் தெரிவித்தார்கள். “தோட்டத்தில் தேயிலை செடிகளை கவாத்து வெட்டி கொண்டு இருந்த போது, கையில் ஏதோ பூச்சி கடிப்பது போன்று உணர்ந்தேன். அப்போது வருத்தம் இல்லை. எனினும், எனது பணியை செய்து முடித்து, வீட்டுக்குத் திரும்பியதன் பின்னர், அந்த இடத்தில் கடுமையாக அரிப்பு ஏற்பட்டது. உடல் முழுவதும் தடிப்புகள் ஏற்பட்டன.
கைவைத்தியம் செய்தும் எவ்விதமான பலனும் இல்லை” என பாதிக்கப்பட்ட நபர் தெரிவித்தார். அதன்பின்னர், மஸ்கெலியா வைத்திய சாலையில் அனுமதிக்கப்பட்டு சிகிச்சைபெற்று வருகிறார்.உடல் முழுவதும் தடிப்பு அடையாளங்கள் உள்ளன. கடுமையான அரிப்பைஅவரால் தாங்கிக்கொள்ள முடியவில்லை. ஆகையால், தேயிலைச் செடிகளில் இருக்கும் இவ்வகையான பூச்சிகளையும் விஷஜந்துகளையும் அழிப்பதற்கு தேவையான நடவடிக்கைகளைஎடுக்குமாறு பாதிக்கப்பட்ட தோட்டத் தொழிலாளர்கள் வலியுறுத்தியுள்ளனர்.
