பங்களாதேஷை வீழ்த்தியது நெதர்லாந்து அணி!

தற்போது நடைப்பெற்று வரும் உலகக்கிண்ண கிரிக்கெட் போட்டித் தொடரில் நேற்றைய தினம்
928) மற்றுமொரு போட்டியில் பங்களாதேஷ் அணியை வீழ்த்தி நெதர்லாந்து அணி வெற்றிப்பெற்றுள்ளது.

முதலில் போட்டியில் துடுப்பெடுத்தாடிய நெதர்லாந்து அணி நிர்ணயிக்கப்பட்ட 50 ஓவர்கள் நிறைவில் அனைத்து விக்கெட்டுக்களையும் இழந்து 229 ஓட்டங்களைப் பெற்றுக் கொண்டது.

நெதர்லாந்து அணி சார்பில் ஸ்காட் எட்வர்ட்ஸ் அதிகபட்சமாக 68 ஓட்டங்களைப் பெற்றுக் கொண்டார்.

பந்து வீச்சில் மகேதி ஹசன்,முஸ்தாபிசுர் ரஹ்மான் , தஸ்கின் அகமது மற்றும் ஷோரிஃபுல் இஸ்லாம் ஆகியோர் தலா இரண்டு விக்கெட்டுக்களை கைப்பற்றினர்.

அதன்படி, பதிலுக்கு 230 என்ற வெற்றி இலக்கை நோக்கி துடுப்பெடுத்தாடிய பங்களாதேஷ் அணி 42.2 ஓவர்கள் நிறைவில் அனைத்து விக்கெட்டுக்களையும் இழந்து 142 ஓட்டங்களை மாத்திரமே பெற்றுக் கொண்டது.

பங்களாதேஷ் அணி சார்பில் மெஹிதி ஹசன் மிராஸ் 35 ஓட்டங்களை அதிகபட்சமாக பெற்றுக் கொண்டார்.பந்து வீச்சில் பால் வான் மீகெரென் 4 விக்கெட்டுக்களை வீழ்த்தினார்.

உலகக்கிண்ணத் தொடரில் நெதர்லாந்து அணி தனது இரண்டாவது வெற்றியை பதிவு செய்துள்ளது.