திருகோணமலை மாவட்டத்தின் நிலாவெளி பொலிஸ் பிரிவுக்குட்பட்ட சாம்பல்தீவு, மாங்கனாய் குளத்தில் நீராடுவதற்குச் சென்ற 16 வயதுடைய இளைஞர் ஒருவர், தாமரைக் கொடியில் சிக்கி உயிரிழந்துள்ளார்.
திருகோணமலை, கோணேசபுரி பகுதியைச் சேர்ந்த கமலதாசன் விஷ்வா எனும் இளைஞரே
இவ்வாறு உயிரிழந்துள்ளார். தனது நண்பர்களுடன் நேற்று முன்தினம் திங்கட்கிழமை (03) மாலை மாங்கனாய் குளத்தில் நீராடுவதற்குச் சென்ற இந்தஇளைஞர், அவ்வேளையில்
தாமரைப் பூ பறிப்பதற்கு முற்பட்டுள்ளார்.
இதன்போது, இவருக்கு தாமரைக் கொடியில் சிக்கிய போது மூச்சுத் திணறல் ஏற்பட்டது. இதனைத் தொடர்ந்து திருகோணமலை பொது வைத்தியசாலைக்கு கொண்டு செல்லும் வழியில் இவர் உயிரிழந்துள்ளதாக பொலிஸாரின் விசாரணையில் தெரியவந்துள்ளது. இந்தச் சம்பவம் தொடர்பாகநிலாவெளி பொலிஸார் விரிவான விசாரணையை மேற்கொண்டு வருகின்றனர்.
