2023 – 2024 ஆம் ஆண்டிற்கான சிவனொளிபாத மலை யாத்திரை பருவ காலம் இன்று (26) உந்துவப் பொஹோ அன்று ஆரம்பமாகும் என சிவனொளிபாத மலை நிலைய தலைவர் சப்ரகமுவ மாகாண பிரதம சங்கத் தலைவர் பெங்கமுவே தம்மதின்ன நஹிமியோ தெரிவித்துள்ளார்.
அத்துடன் இம்முறை யாத்திரைக்கு வரும் பக்தர்கள் சிவனொளிபாத மலையை புனிதமான இடமாக கருதி சுற்றுச்சூழலை பாதுகாக்குமாறும் அவர் கேட்டுக்கொண்டுள்ளார்.
இந்நிலையில், யாத்திரீகர்கள் மற்றும் பயணிகளின் வசதிக்காக சிறப்பு தொடருந்து மற்றும் பேருந்து சேவைகளை ஆரம்பமாகவுள்ளதாக அறிவிக்கப்பட்டுள்ளது.
சிவனொளிபாத மலை யாத்திரைக்காக நேற்று முதல் கொழும்பு கோட்டையிலிருந்து பதுளை வரையிலும் பதுளையிலிருந்து கொழும்பு கோட்டை வரையிலும் கண்டியிலிருந்து பதுளை மற்றும் பதுளை தொடக்கம் கண்டி வரையிலும் விசேட தொடருந்து சேவைகள் ஆரம்பிக்கப்பட்டுள்ளன.
அத்துடன் ஹட்டன் தொடருந்து நிலையத்தில் ஓய்வெடுக்கும் இடங்கள் அமைக்கப்படவுள்ளதுடன், ஹட்டன் தொடருந்து நிலையத்தில் இருந்து நல்லதண்ணிக்கும் நல்லதண்ணியிலிருந்து ஹட்டனுக்கும் ஒன்றிணைந்த பேருந்து சேவைக்கான ஏற்பாடுகள் மேற்கொள்ளப்பட்டு வருகின்றன.
புனித யாத்திரை சீசனுக்காக தொடருந்து நிலையங்களில் கூடுதல் டிக்கெட் கவுன்டர்கள் திறக்கப்படும், மேலும் வார இறுதி மற்றும் நீண்ட வார இறுதி நாட்களில் வழக்கமான தொடருந்துகளுக்கு கூடுதலாக சிறப்பு தொடருந்துகள் திட்டமிடப்பட்டுள்ளன.
அத்துடன் இலங்கை போக்குவரத்து சபையின் சிறப்பு பேருந்து சேவை டிசம்பர் 26 செவ்வாய்க்கிழமை முதல் ஆரம்பிக்கப்பட்டு யாத்திரை காலம் முடியும் வரை விசேட சேவையை தொடருமாறு அமைச்சர் கலாநிதி குணவர்தன பணிப்புரை விடுத்துள்ளார்.
ஹட்டன் தொடருந்து நிலையத்தில் இருந்து நல்லதண்ணிக்கு பேருந்து சேவையும், கொழும்பிலிருந்து ஹட்டன் வீதி ஊடாக நல்லதண்ணிக்கு பேருந்துசேவையும், கொழும்பிலிருந்து நோட்டன் ஊடாக நல்லதண்ணியாக்கு பேருந்து சேவையும் இயங்கும், மேலும் இந்த பேருந்துகள் வார இறுதி நாட்களிலும் மற்றும் சிறப்பு சேவைகளாக இயங்கும்.
பேருந்து இருக்கைகளை இணையத்தில் sltb.eseat.lk இல் முன்பதிவு செய்யலாம் அல்லது 1315 என்ற எண்ணிற்கு அழைக்கலாம். மேலும் தகவலுக்கு SLTB துரிய சேவை 1958 அல்லது 077 1056032 ஐ அழைக்கலாம்.
தொடருந்து அட்டவணைகளுக்கு ரயில்வே.gov.lk ஐப் பார்க்கவும் என தெரிவிக்கப்பட்டுள்ளது.
