இலங்கை மற்றும் ஆப்கானிஸ்தான் அணிகளுக்கிடையிலான ஒற்றை டெஸ்ட் கிரிக்கெட் போட்டியில் இலங்கை அணி 10 விக்கெட் வித்தியாசத்தில் வெற்றிபெற்றுள்ளது.
கொழும்பு SSC விளையாட்டரங்கில் இடம்பெற்ற குறித்த போட்டியில் நாணய சுழற்சியில் வெற்றிபெற்ற இலங்கை அணி முதலில் களத்தடுப்பை தெரிவு செய்தது.
இதன்படி தமது முதலாவது இன்னிங்ஸிற்காக துடுப்பெடுத்தாடிய ஆப்கானிஸ்தான் அணி சகல விக்கெட்டுகளையும் இழந்து 198 ஓட்டங்களை பெற்றுக்கொண்டது.
இதனையடுத்து இலங்கை அணி தமது முதலாவது இன்னிங்ஸிற்காக 439 ஓட்டங்களை குவித்தது.
துடுப்பாட்டத்தில் இலங்கை அணி சார்பில் அஞ்செலோ மெத்யுஸ் மற்றும் திணேஷ் சந்திமால் ஆகியோர் சதம் கடந்தனர்.
இதனைத்தொடர்ந்து இரண்டாவது இன்னிங்ஸிற்காக துடுப்பெடுத்தாடிய ஆப்கானிஸ்தான் அணி சகல விக்கெட்டுகளையும் இழந்து 296 ஓட்டங்களை பெற்றுக்கொண்டது
துடுப்பாட்டத்தில் ஆப்கானிஸ்தான் அணியின் இப்ராஹிம் சட்ரான் 114 ஓட்டங்களை பெற்றுக்கொடுத்தார்.
பந்துவீச்சில் பிரபாத் ஜெயசூர்ய 5 விக்கெட்டுகளை கைப்பற்றினார்
இந்தநிலையில் 56 எனும் வெற்றி இலக்கை நோக்கி பதிலுக்கு துடுப்பெடுத்தாடிய இலங்கை அணி 7.2 ஓவர்கள் நிறைவில் விக்கெட் இழப்பின்றி வெற்றி இலக்கை கடந்தது.
