கோறளைப்பற்று தெற்கு கிரான் பிரதேச செயலக பிரிவிற்குட்பட்ட கிரான் கிளைப் பாலம் கடந்த டிசம்பர் மாதம் ஏற்பட்ட வெள்ளம் காரணமாக உடைந்து விழுந்திருந்தது. அதனை தொடர்ந்து ஏற்பட்ட போக்குவரத்து ஸ்தம்பிதத்தினை நீக்கும் முகமாக தற்காலிக மாற்றுப் பாதை அமைக்கப்பட்டது. பின்னர் நாட்டில் நிலவிய மிக மோசமான பொருளாதார நெருக்கடிக்கு மத்தியிலும் 23.26 மில்லியன் ரூபாய் செலவில் புதிய கிரான் கிளைப் பாலத்தினை நிறுவி சம்பிரதாய பூர்வமாக மக்கள் பாவனைக்காக கையளிக்கபட்டுள்ளது.
மாவட்டத்தின் பொருளாதார ரீதியில் உற்பத்திக்கு பங்களிப்பு செய்யும் விவசாயம்,கால்நடைகளுக்கான மேய்ச்சல் தரைகள் போன்றவற்றை இணைக்கும் முக்கிய பாதை மார்க்கமாக குறித்த பாலம் அமைந்திருக்கின்றது. அதன் காரணமாகவே மிக விரைவாக இக்கிளைப்பாலம் அமைக்கப்பட்டுள்ளது.
மேலும் அதனுடன் இணைந்ததாக 2.5 km நீளமான கிரான் புலிபாய்ந்தகல் வீதியினை செப்பனிடும் பணிகளையும் அங்குரார்ப்பணம் செய்து வைத்துள்ளனர். இதன்போது வீதி அபிவிருத்தி அதிகாரசபையின் பிரதம பொறியியலாளர் பொன்னையா பரதன், நிறைவேற்று பொறியியலாளர் அருமைநாயகம் லிங்கேஸ்வரன், பொறியியலாளர் சர்ஜீன், கோறளைப்பற்று தெற்கு கிரான் ADP சிவநேசராஜா, தொழிநுட்ப உத்தியோகத்தர் தயாபரன், தமிழ் மக்கள் விடுதலை புலிகள் கட்சியின் பிரதம பொருளாளர் ஆறுமுகம் தேவராஜ் உள்ளிட்ட பலரும் கலந்து கொண்டனர்.
