2019.04.21 அன்று இடம் பெற்ற உயித்த ஞாயிறு தாக்குதலில் உயிர் நீத்த எம் உறவுகளின் 4ம் ஆண்டு நினைவு நாளான இன்று (21.04.2023) “உதிரம் சிந்தி உயிர் நீத்த எம் உறவுகளுக்கு உதிரம் கொண்டு செலுத்தும் அஞ்சலி” எனும் தொணிப்பொருளில் இந்த இரத்த தான நிகழ்வு ஏற்பாடு செய்யப்பட்டிருந்தது.
தேசிய இளைஞர் சேவை மன்றத்தின் ஏற்பாட்டில் நடைபெற்ற இவ் இரத்ததான முகாமானது தாண்டவன் வெளி மாதா கோவில் அருகில் அமைந்துள்ள பெடினன்ஸ் மண்டபத்தில் இன்று காலை 8 மணி தொடக்கம் பிற்பகல் 2 மணி வரை இடம்பெற்றிருந்தது.
இந் நிகழ்வானது தேசிய இளைஞர் சேவை மன்றத்தின் மட்டக்களப்பு மாவட்ட உதவி பணிப்பாளர் திருமதி.கலாராணி அம்மணி, இளைஞர் சேவை அதிகாரி R.பிரபீன், மண்முனை வடக்கு பிரதேச இளைஞர் கழகங்களின் சம்மேளன தலைவர் S.லவன்ராஜ் / செயலாளர் S. சுஜீவா மற்றும் சம்மேளன உறுப்பினர்களின் தலைமையில் ஏற்பாடு செய்யபப்ட்டிருந்ததுடன், இதில் பல இளைஞர் யுவதிகள் மற்றும் பொதுமக்கள் பலர் கலந்து கொண்டிருந்ததுடன் கொடையாளர்களுக்கும் சான்றிதழ்களும் வழங்கப்பட்டிருந்தமை குறிப்பிடத்தக்கது.
