கல்வியை கட்டாய சேவையாக்கவோ, அவசரகாலத்தின் கீழ் பரீட்சை குழுவை அமர்த்தவோ, பரீட்சை விடைத்
தாள்களை மதிப்பீடு செய்வதிலிருந்து விலகும் ஆசிரியர்களுக்கு எதிராக வழக்குத் தொடரவோ
அல்லது அவர்களது சொத்துக்களை அபகரிக்கவோ ஜனாதிபதிக்கு எந்த அதிகாரமும் இல்லை என இலங்கை ஆசிரியர் சங்கம் தெரிவித்துள்ளது.
சங்கத்தின் பொதுச்செயலாளர் ஜோசப் ஸ்டாலின் இத னைத் தெரிவித்தார்.அவர் மேலும் தெரிவிக்கையில்-
நாட்டின் பொருளாதாரம் வீழ்ச்சியடைந்துள்ளதாகவும், அரசாங்கத்தின் நடவடிக்கை களினால் பரீட்சைகள் தாமதப்படுத்தப்படுகிறது.
இந்த ஆசிரியர்களின் பிரச்னையை விவாதம் மூலம் தீர்க் காமல் கடுமையான நடவடிக்கைகள் எடுக்கப்பட்டு வருகின்றன.பல்கலைக்கழக விரிவுரையாளர்களை அச்சுறுத்திய ஜனாதிபதி, இவற்றைச் செய்வதால், இந்த மக்களையும் அச்சுறுத்த முயற்சிக்கின்றாரா என்ற சந்தேகம் எமக்கு ஏற்பட்டுள்ளது.
2023ஆம் ஆண்டுக்கான பாடப்புத்தகங்கள் இதுவரை விநியோகிக்கப்படவில்லை, பாடசாலை சீருடைகள் முறையாக விநியோகிக்கப்படவில்லை. கல்வியை அத்தியா வசிய சேவையாக மாற்றும்நிலை ஜனாதிபதிக்கு இருந்தால் மேற்கண்ட குறைபாடுகளையும் பூர்த்தி செய்திருக்கவேண்டும்.
கல்வியை அத்தியாவசிய சேவையாக மாற்றும் ஜனாதி பதியின் தீர்மானத்தை அடக்கு முறை நடவடிக்கையாகவே பார்க்க முடியும்-என்றார
