மட்டக்களப்பு சித்தாண்டியைச் சேர்ந்த இந்திரா சேனா ரேணுஜன் என்னும் இரண்டு பிள்ளைகளின் தந்தை கடந்த 19.04.2023 அன்று விபத்துக்குள்ளாக்கி தலையின் பின் பகுதி அடிபட்ட நிலையில் செங்கலடி வைத்தியசாலையில் அனுமதிக்கப்பட்டார். அங்கிருந்து மேலதிக சிகிச்சைக்காக மட்டக்களப்பு போதனா வைத்தியசாலையில் அனுமதிக்கப்பட்டிருந்தார். வழங்கப்பட்ட சிகிச்சைகள் எதுவும் பலனளிக்காத காரணத்தால் அவரது உறவுகளின் சம்மதத்துடன் ரேணுஜனின் உடல் உறுப்புகள் தானம் செய்யப்பட்டு இன்றைய தினம் இவரது இறுதி கிரியைகள் நடைபெற்றன.
இறக்கும் தருவாயில் இவர் செய்த மனித நேய செயலை எமது Battinaatham ஊடகம் பாராட்டுவதோடு இவரது பிரிவால் வாடும் குடும்பத்திற்கு அனுதாபங்களை தெரிவித்து கொள்கிறது. அண்மைய காலங்களில் கூட 19 வயது பாடசாலை மாணவியும் தனது உடல் உறுப்புகளை தானம் செய்த விடயம் சமூக வலைத்தளங்களில் பகிரப்பட்டது. தான் இறந்த பின்பும் தனது உறுப்பை கொண்டு சாதி,மத, இனம் என முன் பின் தெரியாத ஒரு உயிர் வாழட்டும் என்னும் இவர்களது மனித நேய செயல் வரவேற்கத்தக்கது.
