தமிழ் சிங்கள புதுவருடத்தை முன்னிட்டு மண்முனை வடக்கு பிரதேச செயலகத்தின் ஏற்பாட்டில் விளையாட்டு போட்டிகள் பல ஒழுங்கமைக்கப்பட்டுள்ளன. நேற்று மற்றும் இன்று ஏற்பாடு செய்யப்பட்டுள்ள இவ்விளையாட்டு நிகழ்வுகளின் முதற் கட்டமாக நேற்றைய தினம் மட்டக்களப்பு பாட்டாளிபுரம் விளையாட்டு மைதானத்தில் மண்முனை வடக்கு பிரதேச செயலக உத்தியோகத்தர்களுக்கிடையே ஆண்,பெண் இருபாலாருக்குமான கலப்பு கிரிக்கெட் சுற்றுப்போட்டி இடம்பெற்றிருந்தது.
நல்லிணக்கம், ஒருமைப்பாடு ,சமவுரிமை பண்புகளை ஊக்குவிக்கும் முகமாக நடைபெற்ற இந்த மென்பந்து கிரிகெட் போட்டியில் அலுவலக உத்தியோகத்தர்கள் நான்கு அணிகளாக பிரிந்து கணக்காளர் தலைமையில் ஒரு அணியும்,உதவி பிரதேச செயலாளர்களுக்கான இரு அணிகளும் மற்றும் உதவி திட்டமிடல் பணிப்பாளர் தலைமையிலான ஒரு அணியாக பிரிந்து இப்போட்டிகள் இடம்பெற்றிருந்தன.
இவ்வாறு இறுதிபோட்டிக்கு தெரிவான உதவிப்பிரதேச செயலாளர் தலைமையிலான அணியும்,கணக்காளர் தலைமையிலான அணிகளுக்கிடையில் இடம்பெற்ற போட்டியில் உதவிப்பிரதேச செயலாளர் தலைமையிலான அணியானது 49 ஓட்டங்கள் எடுத்து வெற்றி பெற்றது. மேலும் அதேபோன்று இன்று காலை மட்டக்களப்பு வெபர் மைதானத்தில் எல்லை ,கிராமிய விளையாட்டுகளும் ஒழுங்கமைக்கப்பட்டுள்ளதும் குறிப்பிடத்தக்கது.
