கடந்த காலங்களில் மண்முனை தென் மேற்கு மற்றும் போரதீவு பற்று பிரதேச செயலக பிரிவிற்குட்பட்ட போக்குவரத்து பாதை தொடர்பான பிரச்சனையானது இலங்கை தமிழரசு கட்சி பாராளுமன்ற உறுப்பினர் இராசமாணிக்கம் சாணக்கியன் அவர்களால் வெளி கொண்டு வரப்பட்டிருந்தது.
குறித்த போக்குவரத்து பாதை தொடர்பாக அறவிடப்படும் கட்டணங்களால் பொதுமக்கள் அதிருப்தி தெரிவித்ததுடன் சில கோரிக்கைகளையும் முன்வைத்திருந்தனர். இப்பிரச்னைக்கு மண்முனை தென் மேற்கு மற்றும் போரதீவு பற்று பிரதேச செயலக பிரிவின் அபிவிருத்தி குழுத்தலைவர் என்ற வகையில் இராஜாங்க அமைச்சர் சதாசிவம் வியாழேந்திரன் அவர்கள் சில தீர்மானங்களை முன்வைத்திருக்கின்றார். அதில் பாடசாலை மாணவர்கள் , பல்கலைக்கழக மாணவர்கள், கல்வியியற் கல்லூரி மாணவர்கள், தொழிநுட்ப கல்லூரி மாணவர்கள் இப்பாதை முற்றிலும் இலவசமாக பயன்படுத்த வேண்டும். மேலும் அரச உத்தியோகத்தர்களுக்கான தனிநபர் கட்டணமாக 10 ரூபா அறவிடப்படுவதுடன், அவர்கள் கொண்டுசெல்லும் மோட்டார் வாகனங்களுக்கு எந்த வித கட்டணங்களும் அறவிடப்படக்கூடாது என தீர்மானிக்கப்பட்டுள்ளது.
மக்களின் அத்தியாவசிய தேவையான போக்குவரத்து பிரச்சனைக்கு தீர்வினை வழங்கிய இலங்கை தமிழரசு கட்சி பாராளுமன்ற உறுப்பினர் இராசமாணிக்கம் சாணக்கியன் அவர்களுக்கும் இராஜாங்க அமைச்சர் சதாசிவம் வியாழேந்திரன் அவர்களுக்கும் நன்றிகளை தெரிவித்து கொள்கின்றோம்.
