தமிழ் தேசிய கூட்டமைப்பு வெட்கம் கெட்ட செயலை செய்துள்ளனர் எனவும் தமிழர்களின் பாரம்பரிய பூமி கிழக்கில் உள்ள பிற்போக்கு அரசியல் வாதிகளால் ஆக்கிரமிக்கப்படுவதாகவும் ஈரோஸ் கட்சியினுடைய செயலாளர் ராஜ்நாதன் பிரபாகரன் தெரிவித்துள்ளார்.
ஊடகம் ஒன்றுக்கு வழங்கிய நேர்காணலில் மேற்கண்டவாறு தெரிவித்த இவர் கிழக்கில் பிள்ளையான் என்று ஒருவர் இருக்கிறார். அவருக்கு அங்குள்ள காணிகளை அபகரிப்பதே வேலை.
வாகரை, மாங்கேணி போன்ற பிரதேசங்கள் முழுவதும் பல்வேறான காணிகளை அபகரித்துள்ளார். இதனை தட்டி கேட்க்கும் நபர்களை உடனடியாக அரசியல் தலையீட்டில் இடமாற்றம் செய்கிறார்.
மேலும், தமிழ் தேசிய கூட்டமைப்பு வெட்கம் கெட்ட செயலை செய்துள்ளனர். அவர்களின் மக்கள் பிரதிநிதிதுவம் பிழையானது. ஒழுங்கற்ற பிரதிநிதித்துவத்தால் மக்களின் உரிமைகள் நேரடியாகவே மீறப்படுகின்றது.” என தெரிவித்துள்ளார்.
