வீதியில் நடந்து சென்று கொண்டிருந்த சிறுவன் மீது கார் மோதியதில், சிறுவன் சம்பவ இடத்திலேயே உயிரிழந்துள்ளார்.
இந்தச் சம்பவம் நேற்றைய தினம் (25.05.2023) இரவு இரத்தினபுரி – பலாங்கொடை பொலிஸ் பிரிவிற்குட்பட்ட பிரதேசத்தில் இடம்பெற்றுள்ளது.
பலாங்கொடையைச் சேர்ந்த 14 வயது சிறுவனே இந்த விபத்தில் உயிரிழந்துள்ளார்.
சிறுவனின் சடலம் பலாங்கொடை வைத்தியசாலையில் வைக்கப்பட்டுள்ளது.
காரின் சாரதியைக் கைது செய்த பலாங்கொடை பொலிஸார், சம்பவம் தொடர்பில் மேலதிக விசாரணைகளை மேற்கொண்டு வருகின்றனர்.
