நடப்பு ஐ. பி. எல். தொடரில் சென்னை சுப்பர் கிங்ஸ் அணி இறுதிப் போட்டிக்கு முன்னேறியுள்ளது. மும்பை இந்தியன்ஸ் அணி இறுதிக்கான தகுதி சுற்றபோட்டி 2இல் விளையாடுகிறது. இந்நிலையில், இறுதிப் போட்டியில் மும்பை இந்தியன்ஸ் வேண்டாம் என்று வேடிக்கையாக தெரிவித்துள்ளார் சென்னைஅணியின் பந்துவீச்சு பயிற்றுநர் பிராவோ. இது தொடர்பில் அவர் மேலும் கூறுகையில், “சென்னை சுப்பர் கிங்ஸ் 4 முறையும், மும்பை இந்தியன்ஸ் அணி 5 முறையும் ஐ. பி. எல். கிரிக்கெட்டில் சம்பியன் பட்டம் வென்றுள்ளன. இரு அணிகளும் ஐ.பி. எல். இறுதிப் போட்டியில் முறையே 2010, 2013, 2015, 2019 தொடர்களில் விளையாடி உள்ளன. அதில் சென்னை ஒரு முறையும், மும்பை மூன்று முறையும் வாகை சூடியுள்ளன.
“இது எனது தனிப்பட்ட ரீதியான உணர்வு. இறுதிப்போட்டியில் எங்களுடன் விளையாடும் அணியாகமும்பை இந்தியன்ஸ் இருக்க வேண்டாம் என நான்கருதுகிறேன். (சிரிக்கிறார்) என் நண்பர் பொலார்ட் அதை அறிவார். இறுதிப் போட்டிக்கான பந்தயத்தில்உள்ள அணிகளுக்கு எனது வாழ்த்துகள். நாங்கள் எதிர் கொள்ள உள்ள அந்த அணியை ஆவலுடன் எதிர்பார்த்து காத்துள்ளேன். அதற்கான பந்தயத்தில் உள்ள அணிகள் தரமான மற்றும் எதிரணிக்கு அச்சுறுத்தல் தரக்கூடிய அணிகள் என்பதையும் அறிவேன்” – என்று வேடிக்கையாக கூறியுள்ளார்.
